Ոստիկանության Երևան քաղաքի վարչության օպերատիվ կառավարման կենտրոնից ոստիկանության Հրազդանի բաժնում նոյեմբերի 16-ին` ժամը 19.20-ին, հաղորդում է ստացվել, որ իրենց է զանգահարել ոմն Սերյոժա և հայտնել, որ Հանքավան գյուղի «Տաք ջրի» մոտ վթար է տեղի ունեցել: Ինչպես տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, նույն օրը` ժամը 19.50-ին, հիվանդանոցից ոստիկանության Հրազդանի բաժնում հաղորդում է ստացվել, որ հրազենային վնասվածքներով իրենց մոտ է տեղափոխվել երկու տղամարդու դիակ, իսկ երրորդի դիակը գտնվում է Հանքավան գյուղում:
Ձեռնարկված միջոցառումների շնորհիվ պարզվել է, որ սպանվածներն են 1980թ. ծնված Վահե Գալստյանը, 1990թ. ծնված Վարդան Գալստյանը և 1988թ. ծնված Արմեն Հովհաննիսյանը: Ձեռնարկված օպերատիվ-հետախուզական միջոցառումների և բացատրական աշխատանքների շնորհիվ՝ 1988թ. ծնված Հայրապետ Ս.-ն ներկայացել է ոստիկանություն: Կատարվում է նախաքննություն:
