Մեծ Բրիտանիայի կառավարությունը հավելյալ 2 մլրդ ֆունտ կտրամադրի մինչև 2020 թվականը հատուկ ծառայությունների հակաահաբեկչական ստորաբաժանումների ֆինանսավորմանը։ Այս մասին հայտարարել է երկրի վարչապետ Դևիդ Քեմերոնը՝ փոխանցում է RIA Novosti-ն։
«Մեր հատուկ ծառայությունները միայն վերջին տարում բացահայտել են 7 ահաբեկչական դավադրություններ…Նրանք պետք է անհրաժեշտ ռեսուրս ունենան մեզ բոլորիս առնչվող աշխատանքի համար»,- ասել է Քեմերոնը։
Հստակեցվում է, որ միջոցները կուղղվեն նաև կիբերհարձակումներից պաշտպանությանն ու անօդաչուների թվի կրկնապատկմանը։
Ավելի վաղ հաղորդվել էր, որ Մեծ Բրիտանիան 15 տոկոսով մտադիր է ավելացնել հետախուզական վարչության աշխատակազմը։
