Թուրքական Zaman թերթի փոխանցմամբ, մայիսի 9-13-ը Ստամբուլում կայանալու է ՄԱԿ-ի ամենաթույլ զարգացած երկրների 4-րդ կոնֆերանսը: Այս կապակցությամբ Թուրքիայի նախագահ Աբդուլլահ Գյուլը հրավեր էր ուղարկել Թուրքիայի հետ բավական լարված հարաբերությունների մեջ գտնվող Իսրայելի նախագահ Շիմոն Պերեսին:
Սակայն վերջինս մերժել է այդ հրավերը: Իր մերժումը Պերեսը պատճառաբանել է նրանով, որ այդ ժամանակահատվածում ինքը պետք է գտնվի իր երկրում և մասնակցի «Մահացած զինվորների հիշատակի օրվա» և «Անկախության օրվա» միջոցառումներին:
Հիշեցնենք, որ ավելի վաղ նշվում էր, որ այդ կոնֆերանսին մասնակցելու են 50-60 երկրներ և մոտ 100 նախարարներ, և որ դրան մասնակցելու համար հրավերներ են ուղարկվել նաև Ֆրանսիայի նախագահ Նիկոլա Սարկոզիին, Լիբիայի առաջնորդ Մուամար Քադաֆիին և Հայաստանի նախագահ Սերժ Սարգսյանին:
