ԱՄՆ Բոլլի համալսարանի հոգեբանները պնդում են, որ ընթացիկ և առաջիկա խնդիրների ծրագրի կազմումն օգնում է նվազեցնել չարվածի համար անհանգստությունը, նաև «անջատվել» անհետաձգելի գործերից ու լիովին հանգստանալ: Հետազոտության արդյունքները հրապարակված են Organizational and Occupational Psychology ամսագրում:
Հետազոտոտղներն այդպիսի եզրակացության են եկել տարբեր մասնագիտությունների և զբաղմունքների տեր հարյուրից ավելի մարդկանց հարցման ընթացքում, որոնք աշխատավայրում կատարում են ընդհանուր 1127 առաջադրանք և գործ: Հարցման արդյունքում պարզվել է, որ հարցվածների մեծ մասն ի վիճակի չէ մոռանալ աշխատանքային գործերի մասին, եթե օրվա վերջում դրանք դեռ ավարտված չեն:
Հոգեբանները փորձի մասնակիցներին խնդրել են աշխատանքային օրվա վերջում չավարտված գործերի կատարման պլան կազմել: Պարզվել է՝ այդպիսի պարզ գործողությունը կարող է երեկոյան և հանգստյան օրերին մարդուն օգնել լիարժեք հանգստանալ:
Հետազոտության համահեղինակ Բրենդոն Սմիթի խոսքով՝ ծրագիրը մարդու համար հանգստացնող և կազմակերպող գործոնի դեր ունի, այն նշում է առաջնայնությունները և ուղեղին չի թողնում անհանգստություն զգալ գործերի և իրավիճակների հետ կապված, երբ այն պետք է հանգստանա:
