Եվրասիական տնտեսական միության (ԵՏՄ) մասին պայմանագրի համաձայն՝ պետպատվերի հասանելիությունը պետք է նույնը լինի դրա անդամների բոլոր ընկերությունների համար՝ նույնպիսին, ինչպիսին ազգայինների համար: Բայց, ինչպես կարծում են Ռուսաստանի տնտեսական զարգացման նախարարությունում, այդ պահանջը չի կատարվում, ուստի նախարարությունը նոտաներ է ուղարկել Հայաստանի և Ղազախստանի համապատախան գերատեսչություններ, նաև Բելառուսի առևտրի նախարարություն: Այս մասին հայտնում է «Վեդոմոստին»:
«Ղազախստանը հաստատել է 245 տեսակի ապրանքների ցուցակը, որոնք կարող են գնվել միայն ղազախ արտադրողներից: Կա նաև ղազախ պոտենցիալ մատակարարների բազա: Ղազախստանի հետ կապված հիմնական խնդիրը էլեկտրոնային թվային ստորագրության փոխադարձ ճանաչման բացակայությունն է»,- ասվում է նոտայում:
Նատայից հետևում է, որ Հայաստանում գնումների ծանուցումներն ու փաստաթղթերը չեն թարգմանում ռուսերեն, որը ԵՏՄ-ի պաշտոնական լեզուն է:
Ինչպես հայտնի է՝ պետպատվերին հասանելիություն ստանալու համար ռուսական ընկերությունը պետք է Ղազախստանում ներկայացուցչություն բացի և ղազախական ստորագրություն ստանա: Իսկ բելառուսական առևտրին կարելի է մասնակցել տնից դուրս չգալով:
Սակայն Բելառուսում խնդիրներ են արձանագրվում երկրի կողմից աշխատանքների և ծառայությունների ծագման հաստատման հետ կապված. միջազգային արտոնագիր ընդունվում է միայն ապրանքների մատակարարների համար: Պահանջներին պատասխան դեռ չի հետևել:
