Մենք աջակցում ենք Երևանի հավատարմությանը այս խնդրի բացառապես խաղաղ կարգավորմանը։ Համոզված ենք, որ պիտի հետագայում էլ շարունակենք ջանքերը՝ աջակցելու կողմերին, որպեսզի մշակվի փոխադարձաբար ընդունելի կոնսեսուսային հիմք կարգավորման համար։ Ռուսաստանը՝ որպես ԵԱՀԿ Մինսկի խմբի եռյակի մասնակից, կշարունակի ակտիվ դերակատարությունը, որպեսզի կարողանանք հասնել դրական արդյունքի»,- այսօր ՀՀ ԱԳՆ-ում Հայաստանի և Ռուսաստանի արտաքին գործերի նախարարների համատեղ ասուլիսին ասաց ՌԴ արտգործնախարար Սերգեյ Լավրովը՝ խոսելով Լեռնային Ղարաբաղի հակամարտության մասին։
Նախարարները շեշտեցին խնդիրը բացառապես խաղաղ ճանապարհով լուծելու անհրաժեշտությունը՝ դատապարտելով ղարաբաղյան հարցի լուծման գործընթացը միջազգային այլ հարթակներ տեղափոխելու փորձերը։ Խոսքը, մասնավորապես, բրիտանացի պատգամավոր Ռոբերտ Ուոլտերի հեղինակած զեկույցի մասին է, որը հաստատվել է Եվրոպայի խորհրդի խորհրդարանական վեհաժողովի Քաղաքական հարցերի հանձնաժողովի կողմից։
