Ռուսաստանի նախագահ Վլադիմիր Պուտինը հաստատել է Հյուսիսային Իռլանդիայում «Մեծ ութնյակի» գագաթնաժողովի շրջանակում իր ամերիկացի գործընկեր Բարաք Օբամայի հետ հանդիպելու պատրաստակամությունը և հիշեցրել, որ Օբամային ուղղված Ռուսաստան այցի հրավերը ուժի մեջ է մնում: Այս մասին հայտնում է RIA Novosti-ն:
Ռուսաստանի և ԱՄՆ նախագահների առաջիկա հանդիպման թեման քննարկվել է Կրեմլում Պուտինի և ԱՄՆ նախագահի՝ ազգային անվտանգության հարցերով խորհրդական Թոմաս Դոնիլոնի հանդիպման ժամանակ:
ՌԴ նախագահի խորհրդական Յուրի Ուշակովի տեղեկացմամբ՝ կողմերը պայմանավորվել են, որ Օբաման և Պուտինը հանդիպեն Հյուսիսային Իռլանդիայում «Մեծ ութնյակի» գագաթնաժողովի շրջանակում (տեղի կունենա հունիսին), այնուհետև անցկացնեն լայնամասշտաբ բանակցություններ՝ կապված Սանկտ Պետերբուրգում կայանալիք «Մեծ քսանյակի» գագաթնաժողովի հետ:
