Եգիպտոսի նախկին նախագահ Հոսնի Մուբարաքն արդարացվել է 2011թ. հեղափոխության օրերին ցուցարարների սպանության գործով: Ինչպես հաղորդում է ITAR-TASS-ը, նման որոշում է կայացրել այսօր Կահիրեի դատարանը:
Դատավորը, մասնավորապես, հայտարարել է, որ «Մուբարաքն ազատ է արձակվում կալանքից, եթե նա այլ գործով մեղադրյալ չի հանդիսանում»:
Հիշեցնենք, Մուբարաքը մեղադրվում էր 2011թ. գարնանը ժողովրդական ելույթների ժամանակ ուժ գործադրելու հրաման արձակելու մեջ: Այդ իրադարձությունների ժամանակ զոհվել է ավելի քան 800 մարդ:
2012թ. հունիսի 2-ի դատավճռում դատարանն ուղղակի ապացույցներ չէր գտել նախկին նախագահի դեմ, սակայն ընդունել էր նրա կողմանկի մասնակցությունը՝ նրան դատապարտելով ցմահ ազատազրկման: Սակայն 2013թ. հունվարին դատարանը բավարարեց վճիռը վերանայելու հայցը: Նոր դատավարությունը սկսվեց 2013թ. ապրիլից: