Չինաստանի Հուբեյ նահանգում հյուրանոցում բռնկված հրդեհի պատճառով 14 մարդ է զոհվել: Այս մասին հաղորդում է ՉԺՀ պետական տեղեկատվական «Սինհուա» գործակալությունը:
Ըստ վերջին տվյալների՝ մեկ մարդ էլ հիվանդանոցում է մահացել: Տուժել են հյուրանոցի մոտ 47 հյուրեր, որոնցից շատերն այժմ ծանր վիճակում են: Ոստիկանությունը ձերբակալել է հյուրանոցի տնօրենին, կառավարչին և այն սրճարանի փոխտնօրենին, որտեղ սկսվել է հրեդեհը: Սրճարանի տնօրենը հետախուզման մեջ է:
Հրդեհը սկսվել է կիրակի վաղ առավոտյան, հինգ հարկանի հյուրանոցի 2-րդ հարկում: Շատերը ստիպված են եղել դուրս թռչել հենց պատուհանից:
Հրդեհի պահին հյուրանոցում գտնվել է 66, սրճարանում՝ 25 մարդ: Տուժել են արդյոք հյուրանոցի աշխատակիցները՝ հայտնի չէ:
