Ինձ առաջարկել են բացառապես հեռուստահաղորդավարի աշխատանք, որը տարբերվում է լրագրողի աշխատանքից: Առաջարկը եղել է Հանրային հեռուստատեսությունից: Այս մասին այսօր Ազգային ժողովում լրագրողների հետ զրույցում ասաց ԿԳ նախարար Արմեն Աշոտյանը: Նա նշեց, որ առաջարկը ստանալուց հետո երկակի զգացողություն է ունեցել` մի կողմից մեծ է եղել ցանկությունը մասնակցելու այդ հաղորդմանը, մյուս կողմից էլ ցանկացել է լինել տանտեր և հարցեր ուղղողի դերում լինել:
Հարցին` ինչպես կարող եք այլ կուսակցության ներկայացուցիչներին օբյեկտիվ հարցել տալ, երբ ինքներդ կուսակցության փոխնախագահ եք, Աշոտյանը նշեց. «Արդեն նկարահանել ենք մի քանի հաղորդում: Այսօր նկարեցինք շատ հետաքրքիր մի հաղորդում` նվիրված սահմանադրական փոփոխությունների քարոզարշավին: Քննադատել մի բան, որը դեռ չեք տեսել, կողմնակալ է»:
