Իրանը պատրաստ է Եվոպայում գազ վաճառել, նույնիսկ եթե դա ոչշահավետ է տնտեսական տեսանկյունից։ Այս մասին ասել է Իրանի նավթաարդյունահանման նախարարի՝ միջազգային և կոմերցիոն հարցերով տեղակալ Ամիր Հուսեյն Զամանինիան՝ փոխանցում է «Իրան» թերթը։
«Դա պայմանավորված է նրանով, որ մենք ցանկանում ենք տնտեսական հարաբերությունները կիրառել որոշակի քաղաքական կապերի ստեղծման համար»,- նշել է փոխնախարարը։
Նա հայտնել է, որ ներկայումս իրանական գազի գնմամբ հետաքրքրված են Ճապոնիան, Չինաստանը և Պարսից ծոցից հարավ ընկած երկրները՝ բացի Կատարից։
Փոխնախարարը նշել է, որ եվրոպական երկրները նույնպես միշտ հետաքրքրություն են դրսևորել իրանական գազի գնման նկատմամբ։
«Մենք ցանկանում ենք, որ մեր հարաբերությունները զարգանան ոչ միայն Պարսից ծոցի երկրների, այլև Արևմուտքի հետ։ Երբ տնտեսական հարաբերություններն ամրապնդվում են, քաղաքական տարաձայնությունները վերանում են, և դա նվազեցնում է նոր պատժամիջոցների շանսերը»,- ասել է նա։
Իրանն ուսումնասիրոմ է Անդրանատոլիական գազատարով (TANAP) Եվրոպա գազի արտահանման հնարավոր ուղիները։
