Ռուս զինվորականները կապի մեջ են մտել սիրիական ընդդիմության մի շարք ստորաբաժանումների ղեկավարության հետ: Նրանցից ստացած տվյալների հիման վրա ռուսական օդուժը մի շարք հարվածներ է հասցրել ահաբեկիչների օբյեկտներին, հայտնում է Lenta.ru-ն: Այդ մասին հայտնել է Գլխավոր շտաբի օպերատիվ կառավարման պետ Անդրեյ Կարտապոլովը:
Նրա խոսքով` կապեր են հաստատվել «ահաբեկիչների դեմ պայքարի հայրենասիրական ուժերի հետ»:
«Այսօր Ռուսաստանը կատարել է 12 թռիչք ահաբեկիչների 24 օբյեկտների վրա` օգտագործելով մեծ հզորությամբ զինամթերք և KAB-500 բարձր ճշգրտությամբ ռումբեր Թադմորի, Դեյր էզ Զորի, Իտրիայի և արևելյան Հալեպի շրջաններում: Այդ բոլոր օբյեկտների կոորդինատները մեզ փոխանցվել է ընդդիմության ներկայացուցիչների կողմից»,- հայտնել է Կարտապոլովը:
Նա նշել է, որ ստեղծվել են ռուս զինվորականների և սիրիական ընդդիմադիրների աշխատանքային կոորդինացիոն խմբեր` ԴԱԻՇ-ի դեմ պայքարի խնդիրների լուծման համաձայնեցման համար, որը թույլ կտա հանդես գալ թշնամու դեմ միասնական ճակատով:
