Rolex Submariner ժամացույցը, որը կրել է «Ապրիր և թույլ տուր մեռնել» ֆիլմում Ջեյմս Բոնդին մարմնավորած Ռոջեր Մուրը, աճուրդի է դրվել: Այս մասին գրում է Telegraph-ը:
Ժամացույցի կորպուսի վրա փորագրված է՝ Roger Moore 007:
Աճուրդը կկայանա նոյեմբերի 7-ին՝ Ժնևում: Պարբերականը նշում է, որ բացի Rolex Submariner-ից՝ այնտեղ ներկայացված կլինեն ևս մոտ 200 մոդելներ՝ ներառյալ այնպիսի հազվագյուտ ժամացույցներ, ինչպիսիք են՝ 1968թ. Rolex Daytona Solo Quicksilver-ը և Hermes Cosmograph Daytona-ն:
Կազմակերպիչները ծրագրում են միջոցառումից ստանալ մոտ 14-15 մլն դոլար: Միջոցների մի մասը կնվիրաբերվի բարեգործությանը:
