Այսօր Երևանի Կարեն Դեմիրճյանի անվան մարզահամերգային համալիրում մեկնարկեց ՀԱԿԿ հիմնադիր համագումարը: Քիչ առաջ մարզահամերգային համալիրում ելույթ ունեցավ նաև ՀԱԿԿ անդամ Զոյա Թադևոսյանը: Ըստ նրա՝ միասին անցել են համառ, հետևողական պայքարի ճանապարհով:
«Մեր անցած ճանապարհը քիչ առաջ երևաց էկրանից: Ես նայում էի և կարոտով հիշում այն տարիները, երբ ես երիտասարդ էի, բայց այդ ճանապարհի ոչ մի օրն ինձ համար չի եղել ցավի ճանապարհ, դրանք երջանակության օրեր էին, որի ընթացքը ղեկավարում էր Հայաստանի թիվ մեկ քաղաքական գործիչը: Մենք նրա շնորհիվ ավարտեցինք քաղաքագիտական համալսարան: Բայց, պարոն նախագահ, մենք մեր դիպլոմները դեռ չենք ստացել, մենք քաղաքագիտական համալսարանի դիպլոմներ ենք ուզում:
Երբ նախագահական ընտրություններից առաջ մեր նախագահն ասաց, որ տարիքի պատճառով չի ուզում առաջադրվել: Թոռս առավոտյան զարթնում ու ասում է՝ Լևոն Տեր-Պետրոսյանն ինչո՞ւ չառաջադրվեց, մենք էլ պատասխանում էինք այն ինչ կարողանում էինք, որ ուզում է ապրել լավ և արժանապատիվ Հայաստանում: Շնորհավոր ծնունդդ, Հայ Ազգային Կոնգրես»,- նշեց Զոյա Թադևոսյանը:
Լուսանկարը PanARMENIAN Photo-ի
