Կանադացի դիզայներներ Չարլզ Բոմբարդյերը և Ռեյ Մեթիսոնը ստեղծել են նոր գերձայնային ինքնաթիռի՝ Skreemr-ի կմախքը: Ինքնաթիռը կարող է թռչել 12 300 կմ/ժ արագությամբ և նույնիսկ ավելի արագ: Դա 5 անգամ ավելին է, քան գերձայնային Concorde ինքնաթիռի արագությունը, այդ մասին գրում է կանադական The Globe and Mail լրատվամիջոցը:
Ինքնաթիռը կարող է տեղավորել 75 ուղևոր: Ստեղծողները նշում են, որ այն շատ հարմար կլինի միջմայրցամաքային չվերթներ իրականացնելու համար, օրինակ՝ Լոնդոնից Նյու Յորք չվերթը կտևի ընդամենը կես ժամ:
Skreemr-ի վերելքը կիրականացվի հատուկ էլեկտրական համակարգի միջոցով, ինչը թույլ կտա արագություն հավաքել առանց լրացուցիչ անհանգստություն պատճառելու ուղևորներին:
