Պենտագոնի ղեկավար Էշթոն Քարթերը չի բացառել ուրբաթ Սիրիա հավելյալ ուժեր ուղարկելու հնարավորությունը։ Այս մասին հայտնում է TASS գործակալությունը։
«Մենք կշարունակենք փոփոխություններ անել և հենվել այն մեթոդների վրա, որոնք աշխատում են»,- նշել է նախարարը, ով այժմ աշխատանքային այցով Ալյասկայում է։ «Մենք մտածում ենք նոր ուղիներ և զարգացնում նոր հնարավորություններ՝ ունակ և շահագրգիռ ուժերի աջակցման համար, որոնց վերաբերյալ մենք խորհուրդ ենք տալիս նախագահին»,- ասել է նա։
Քարթերը նաև նշել է, որ ԱՄՆ-ը շարունակում է ուսումնասիրել դերը, որը կխաղա Սիրիա ուղարկվող հատուկ ջոկատը։
Ուրբաթ ԱՄՆ պաշտպանական գերատեսչության ներկայացուցիչը հայտարարել էր, որ ԱՄՆ հատուկ նշանակության մարտիկները Սիրիայի հյուսիս կժամանեն՝ հաջորդ ամսվա ընթացքում տեղի ինքնապաշտպանական ուժերին օգնություն ցուցաբերելու համար։
Դեմոկրատական կուսակցության անդամները քննադատել են ԱՄՆ նախագահի՝ Սիրիա հատուկ նշանակության ջոկատ ուղարկելու որոշումը։ Նրանց դժգոհությունն է առաջացրել Սիրիայում ռազմական գործողության ձգձգումը։ Շատերը կարծում են, որ Օբաման նման քայլ է արել՝ Սիրիայի հարցում չունենալով հստակ ռազմավարություն։
