ԱՄՆ-ը Հորդանանին AT-802 ինքնաթիռներ է ուղարկում, որոնք վերասարքավորվել են օդից հետախուզության համար: Fox News հեռուստաալիքի հաղորդմամբ՝ ամերիկյան ռազմաօդային ուժերը «այդ ինքնաթիռների փոխադրումն իրականացնում է Ամմանի խնդրանքով, որին օգնություն է պահանջվում Սիրիայի և Իրաքի հետ սահմանին «ԴԱԻՇ-ից եկող սպառնալիքին դիմակայելու համար:
«Այդ 4 ինքնաթիռները շտապ պահանջվում են ռազմական հզորության պակասը լրացնելու համար, որը մեծ հավանականությամբ կհանգեցնի մարտական կորուստների,- մեջբերում է հեռուստաալիքը իր տրամադրության տակ հայտնված ԱՄՆ ռազմաօդային ուժերի պատվերի հիմնավորումը:- Հորդանանի թագավորությունը հայտնվել է անհամար սպառնալիքների առաջ, որոնց դիմակայելու համար պահանջվում են ԱՄՆ (զինված ուժերի) Կենտրոնական հրամանատարության մարզված կադրեր հակաահաբեկչական գործողությունների անցկացման գործում օգնություն ցուցաբերելու համար»:
Fox News-ի գնահատմամբ՝ փաստաթուղթը մատնանշում է նաև Հորդանան ամերիկացի զինծառայողներ ուղարկելու հնարավորություն:
AT-802-ը թողարկում է Air Tractor ընկերությունը: Նա այդ ինքնաթիռներն այնպես է կառուցում, որ դրանք հնարավոր լինի հեշտությամբ արդիականացնել և հագեցնել ամենաժամանակակից հետախուզական սարքավորմամբ:
