Երեկ` հոկտեմբերի 24-ին, առեղծվածային դեպք է տեղի ունեցել Արագածոտի մարզում: Ինչպես հայտնում է Shamshyan.com-ը, ժամը 21:40-ի սահմաններում Աշտարակի բժշկական կենտրոնից ոստիկանության Աշտարակի բաժին ահազանգ է ստացվել, որ սրտի շրջանում սուր կտրող-ծակող առարկայից ստացած վերք ախտորոշմամբ հիվանդանոց տեղափոխելու ճանապարհին երիտասարդ տղան մահացել է:
Ըստ կայքի՝ ոստիկաններն ու քննիչները պարզել են, որ մահացածը հիվանդանոց է տեղափոխվել Երևան-Գյումրի ավտոճանապարհի Աշտարակի վարչական տարածքում գտնվող «Արծվի թև» կոչվող տարածքի հետնամաում գտնվող այգում փայտյա կիսակառույց տաղավարի մոտից: Նշված վայրում հայտնաբերվել է Mercedes մակնիշի 34 CZ 128 համարանիշի ավտոմեքենա:
Պարզվել, որ մահացածը Աշտարակ քաղաքի Տիգրան Մեծ 38 շենքի բնակիչ, 30-ամյա Սուրեն Հարությունյանն է: Ֆոտոլրագրողի տեղեկություններով` մահացածը տաքսու վարորդ էր: Ոստիկաններն ու քննիչները պարզել են, որ մինչև մահանալը Ս. Հարությունյանը նշված վայրում իր մի քանի ընկերների հետ կերուխումի է մասնակցել: Այդ մարդկանց ինքնությունը պարզված է. նրանք տեղափոխվել են ոստիկանության Աշտարակի բաժին:
Մանրամասները՝ սկզբնաղբյուր կայքում: