Ռուսաստանի կառավարության կողմից հավանության է արժանացել Հայաստանի հետ հակաօդային պաշտպանության համակարգի ստեղծման մասին պայմանագիրը՝ հայտնում է rueconomics.ru-ն:
Ռուսաստանի Գիտությունների ակադեմիայի Արևելագիտության ինստիտուտի Կենտրոնական Ասիայի և Կովկասի ուսումնասիրությունների կենտրոնի փորձագետ Անդրեյ Արեշևն այս առիթով ասել է, որ Հայաստանի հետ համատեղ ՀՕՊ համակարգը ձևավորվել է մի քանի տարիների ընթացքում, այն դե ֆակտո արդեն գործում է, և խոսքն այն մասին է, որ դա պետք է հաստատվի Հայաստանի կառավարության մակարդակով: Նախագծի էությունը Ռուսաստանի և Հայաստանի երկինքներում սպառնալիքի հետ մղման և ղեկավարման միասնական համակարգի ստեղծումն է:
«Կարծում եմ՝ դա դրական ազդեցություն կունենա Հայաստանի պաշտպանունակության վրա, կերաշխավորի հարևան երկրների կողմից անսպասելի գործողություններից: Մենք գիտենք, որ երկրներից մեկի կողմից տեղ են գտել Հայաստանի օդային տարածքի խախտումներ: Այժմ այդպիսի դեպքերը բացառված են»,- մեկնաբանել է նա՝ հիշեցնելով ղարաբաղյան հակամարտության մասին: Սակայն նրա խոսքով՝ այդ նախագիծը չի կարող վնասել Ռուսաստանի և Ադրբեջանի հարաբերություններին: