Հոլիվուդյան աստղ Թոմ Քրուզի երրորդ ամուսնալուծությունը՝ անսպասելի ու կտրուկ, դարձավ 2012 թ. ամենաքննարկվող իրադարձությունը:
Երկար ժամանակ ո՛չ անձամբ դերասանը, ո՛չ նրա նախկին կինը՝ Քեթի Հոլմսը, չիէն տալիս մեկնաբանություններ, սակայն հիմա Քրուզը վերջապես համաձայնել է պատմել այն մասին, թե ինչ է տեղի ունեցել:
Ներկայացնելով իր նոր ֆիլմը Գերմանիայում՝ դերասանը հարցազրույց է տվել գերմանական Taff հեռուստաամսագրին ու ամուսնալուծության հարցին այսպես պատասխանել. «Ես այսպիսի բան չէի սպասում: Դու 50 ես, փորձառու ես ու մտածում ես, որ ամեն ինչ պահում ես վերահսկողության տակ, ու այստեղ կյանքը հիշեցնում է քեզ, թե ինչպիսին է այն իրականում: Կյանքը տրագիկոմեդիա է, այդ պատճառով հարկավոր է ունենալ հումորի զգացում»:
Ամուսինների ամուսնալուծությունն ամենաարագն էր Հոլիվուդի պատմության մեջ:
Հոլմսն ամուսնալուծության հայց էր ներկայացրել հունիսի վերջին, սակայն օգոստոսի վերջին բոլոր ձևականություններն ավարտվել էին։
