Այս օրերին հայաստանյան քաղաքական դաշտում հայտնված Ռուսաստանի հայերի միության նախագահ Արա Աբրահամյանի անձնական կյանքը համացանցում դարձել է լայն քննարկման առարկա: Հայ հասարակության ուշադրության կենտրոնում է հայտնվել հատկապես Աբրահամյանի դստեր՝ ԱՄՆ-ի Մայամի քաղաքում բնակվող երգչուհի, 28-ամյա Յուլյա Արայի գործունեությունը, ով իր տեսահոլովակներում հանդես է գալիս մեր հասարակության համար անսովոր՝ բավականին բաց տեսարաններով:
Հաշվի առնելով մի շարք միջազգային օրինակներ՝ հարց է առաջանում, թե ինչպես կանդրադառնա Արա Աբրահամյան նորաթուխ քաղաքական գործչի վարկանիշի վրա նրա աղջկա գործունեությունը:
Հոգեբանական գիտությունների թեկնածու Էլինա Ասրիյանը վստահ է, որ յուրաքանչյուր հանրային մարդու, առավել ևս՝ քաղաքական գործչի վարկանիշ սերտորեն կապված է նրա անձնական ու ընտանեկան կյանքի հետ: