Twitter-ում հայտնվել է Nokia Lumia 928 սմարթֆոնի «լրտեսական» լուսանկարը: Արտաքինից այն մի քիչ նման է 920 մոդելին, սակայն կիսակարբոնատե ավելի թեթև և բարակ կորպուս ունի և վատ լուսավորության պայմաններում ավելի որակյալ լուսանկարներ է անում:
Աղբյուրների տվյալների համաձայն՝ 928-ի միջուկը համապատասխանում է 920-ի միջուկին. 1,5 ԳՀ երկմիջուկային չիպ, 1 ԳԲ օպերատիվ հիշողություն, 32 ԳԲ ներկառուցված հիշողություն, 4,5 դյույմանոց OLED էկրան: Սարքավորումը 4G ցանցերում միաժամանակ փոխանցում է ձայնը և տվյալները: Lumia 928-ն ԱՄն-ում վաճառքի կհանվի արդեն ապրիլի վերջին:
The Verge-ը, հղում կատարելով իր սեփական աղբյուրներին, հաստատում է լուսանկարի իրական լինելը: Հրատարակչությունը գրում է, որ իրականում Lumia 928-ը ալյումինե կորպուս չի ունենա, ինչպես ավելի վաղ տեղեկացվում էր: Nokia-ն այն պահել է երկու այլ մոդելների՝ Catwalk-ի և EOS-ի համար:
920 մոդելի իրական հետնորդ Catwalk-ը կներկայացվի Լոնդոնում մայիսի 15-ին և վաճառքի կհանվի հուլիսի սկզբին: Այս մոդելը, տվյալների համաձայն, երկմիջուկային Snapdragon S4 (1,5 ԳԳ) պրոցեսոր, 1280х768 թողունակությամբ 4,5 դյույմանոց octaOLED էկրան, մեկ գիգաբայթ օպերատիվ հիշողություն, 16 ԳԲ ներկառուցված կրիչ, անշարժ մարտկոց և լուսանկարը կարգավորող 8,7 մեգապիքսելանոց տեսախցիկ կունենա: Ալյումինե կորպուսի շնորհիվ այն կկշռի 132 գրամ:
