Կինոյի հարցերով NAB-2013 տեխնոլոգիական գագաթնաժողովում պրոդյուսեր Ջոն Լանդաուն հայտնել է, որ ինքը ռեժիսոր Ջեյմս Քեմերոնի հետ, ինչպես նախկինում, մտադիր է նկարահանել «Ավատար-2»-ի ու «Ավատար-3»-ի դերասաններին ջրի տակ, և այդ նպատակով շարունակում են համապատասխան սարքավորումների որոնումները motion capture տեխնիկայով:
Լանդաուն, ում խոսքերը մեջբերում է Deadline-ը, պատմել է հետևյալը. «Մենք պատրաստվում ենք օգտվել նորագույն մշակումներից, որպեսզի այդ ֆիլմերը դարձնենք առավել էմոցիոնալ, հուզական ու հաջողությամբ ավարտենք երկու գլխավոր հերոսների գծերը:
Իհարկե, ստորջրյա աշխարհը կարելի է ստեղծել համակարգչային գրաֆիկայի օգնությամբ, սակայն ջրի տակ գտնվողների զգացումները նմանակել չի կարելի: Այդ պատճառով դերասանները պետք է խաղան»:
Նոր «Ավատարների» ոգեշնչման համար, որոնց գործողությունները մասամբ տեղի կունենան ջրի տակ, Քեմերոնը իջել էր Մարիանյան իջվածք ու իր ճանապարհորդությունը 3D-տեսախցիկով նկարահանել համաշխարհային օվկիանոսի ամենախոր իջվածքից:
