Ռուսական RIA Novosti լրատվական գործակալության փոխանցմամբ՝ Ռուսաստանի արտգործնախարար Սերգեյ Լավրովը Պետդումայում հայտարարել է, որ պահպանվում են «Թուրքական հոսք» գազատարի վերաբերյալ Մոսկվայի ու Անկարայի միջև պայմանավորվածությունները:
«Քաղաքական պայմանավորվածությունները պահպանվում են։ Նախագահ Էրդողանը, երբ սեպտեմբերի 23-ին գտնվում էր Մոսկվայում՝ կապված կենտրոնական մզկիթի բացման հետ և հանդիպել է նախագահ Պուտինի հետ, հաստատել է դա»,- ասել է նա։
Լավրովը հավելել է, որ մինչև Թուրքիայում ընտրությունների անցկացումը չկան լիազոր անձինք, որ ստորագրեն համապատասխան համաձայնագրեր. «Կսպասենք ընտրությունների ավարտին, երբ կձևավորվի կառավարություն, և լիազորները կստորագրեն պարտավորեցնող պայմանավորվածություններ»։