Chopard Haute Joaillerie Red Carpet collection հավաքածուի մեջ ներառված է 66 զարդ: Այդ թիվը խորհրդանշական է, քանի որ այն նվիրված է Կաննի 66-րդ կինոփառատոնին, որն այս տարի կանցկացվի մայիսի 15-26-ը: Այս մասին տեղեկացնում է RBK-ն:
Հավաքածուի ստեղծմանն անմիջականորեն մասնակցել է Կարոլին Շոյֆելը՝ Chopard-ի ղեկավարներից մեկն ու արտ-տնօրենը:
Առանձնակի ուշադրության է արժանի շքեղ մատանին: Այն ունի պլատինից պատրաստված ծաղկի տեսք՝ զարդարված սուտակներով, զմրուխտներով, գունավոր ադամանդներով ու այլ թանկարժեք քարերով: Այսպիսի «ծաղիկը» երբեք չի թառամի:
Նշենք, որ Կարոլին Շոյֆելը մասնակցում է ոչ միայն «կարմիր գորգի» զարդերի, այլև հայտնի «Ոսկե արմավենու ճյուղի» ստեղծմանը (Կաննի կինոփառատոնի հիմնական մրցանակն է, որն ունի 18 կարատանոց ոսկե ճյուղի տեսք՝ բյուրեղից պատրաստված հիմքով):
