2015թ. բրիտանական հեղինակավոր գրական մրցանակը՝ The Man Booker Prize-ը, հանձնվել է գրող Մարլոն Ջեյմսին՝ «Յոթ սպանությունների կարճ պատմություն» գրքի համար: Այս մասին գրում է Lenta.ru-ն՝ վկայակոչելով մրցանակաբաշխության կայքը:
44-ամյա Մարլոն Ջեյմսը, ով ներկայում ապրում է ԱՄՆ-ում, դարձել է Յամայկայից առաջին գրողը, ով նման մրցանակի է արժանացել: Նա նաև ստացել է 50 հազար ֆունտ ստերլինգ:
«Յոթ սպանությունների կարճ պատմություն» գիրքը 1976-ին հայտնի երգիչ Բոբ Մարլիի վրա մտացածին մահափորձի մասին է: 600 էջանոց վեպում գործում են 75 կերպարներ:
