Ապրիլի 6-ին Սանկտ Պետերբուրգում նշվել է, այսպես կոչված, Էրմիտաժի կատվի օրը: Այս մասին հայտնում է Internovosti-ն:
Տոնի շրջանակում ցանկացողները կարող են այցելել Էրմիտաժի նկուղներ և ձեղնահարկեր: Ինչպես հայտնի է՝ այնտեղ բնակվում են 60 կատուներ, որոնց առաքելությունն է թանգարանային նմուշները պաշտպանել առնետներից:
Էրմիտաժի պատերի ներսում գտնվող համաշխարհային մշակույթի ժառանգության պահպանմանը մասնակցող կատուներն իրենց տոնը նշում են 15-րդ անգամ: Նախկինում նրանց օրը նշվել է մարտին: Տոնական միջոցառումների մի մասն ավանդաբար անցկացվել է փողոցներում:
Կենդանիների առողջությանը հետևում են անասնաբույժները: Կատուների թվաքանակին մշտապես հետևում են: Ժամանակ առ ժամանակ անցկացվումեն կենդանիների բաժանման բարեգործական տոնավաճառներ:
