Գեղեցիկ սեռի բոլոր ներկայացուցիչները հակված են սիրախաղի՝ անկախ նրանից, թե նրանք իրենց զուգընկերների հետ ինչպիսի հարաբերություններ ունեն: Այսպիսի եզրակացության են հանգել գերմանացի գիտնականները, ովքեր երեք տարիների ընթացքում ուսումնասիրել են իրենց համաքաղաքացիներին: Հարցումների շրջանակում 18-45 տարեկան 5 հազար գերմանուհիների 60%-ը խոստովանել է, որ մշտապես սիրաբանում է գիտակցաբար կամ անգիտակցորեն։ Այս մասին գրում են արտասահմանյան ԶԼՄ-ները:
35 %-ը հայտարարել է, որ ժամանակ առ ժամանակ սիրաբանում է: Միայն 5 %-ն է խոստովանել, որ երբեք չի սիրաբանել տղամարդկանց հետ և չի էլ պատրաստվում դա անել: Սակայն ուսումնասիրողները չեն վստահել վերջին տիպի կանանց: Ըստ գիտնականների՝ բոլոր կանայք, նույնիսկ նրանք, ովքեր «ազատ» չեն, իրենց բնությամբ հակված են սիրախաղի:
Ինչպես նշում են ուսումնասիրողները, կանանց այս վարքագիծը պայմանավորված է գեղեցիկ սեռի գենետիկ առանձնահատկություններով և կյանքի հանդեպ նրանց վերաբերմունքով: Գիտնակնները համոզված են, որ կինը սիրաբանում է ուժեղ սեռի ներկայացուցիչի հետ ծանոթության առաջին րոպեներին՝ հասկանալու համար, թե ադյո՞ք ինքը հետաքրքրում է տղամարդուն: Դրանից հետո զրուցակցի վերաբերյալ եզրակացություններ անելով՝ կինը սկսում է իրեն այլ կերպ պահել:
Ուսումնասիրողները պարզել են նաև, որ կանայք սիրաբանում են անկախ իրենց կարգավիճակից և տղամարդու գրավչությունից: Դրանից բացի, ինչպես նշել են ուսումնասիրողները, կանանց այս վարքը կապված է նաև այն հանգամանքի հետ, որ նրանք շրջապատում ընկերներ, համախոհներ և կողմնակիցներ են փնտրում, նրանք սոցիալապես ավելի ակտիվ և շփվող են: Գեղեցիկ սեռի այս մտածելակերպը նրանց սիրաբախաղի է դրդում, և պարտադիր չէ, որ դրա պատճառը հակառակ սեռի ներկայացուցչի հանդեպ սեռական հակումը լինի, ինչպես մտածում է տղամարդկանց մեծամասնությունը:
