«Ալմաթիում կայացած հանդիպման ընթացքում Իրանն առաջարկեց գործողությունների ծրագիր, սակայն «Վեցնյակը» պատրաստ չէր»,- հայտարարել է Իրանի ազգային անվտանգության գերագույն խորհրդի քարտուղար Սայիդ Ջալիլին:
«Ինչ վերաբերում է Ալմաթիում տեղի ունեցած առաջին բանակցություններին, «Վեցնյակը» մի շարք առաջարկություններ է ներկայացրել, իսկ այժմ մենք այլ հարցեր ենք քննարկում: Իսկ երկրորդ հանդիպման ժամանակ նշվել է, որ այդ առաջարկություններից որոշ գործոններ կարող են մեզ օգնել հասնել համաձայնության և համագործակցության»,- հավելել է Ջալիլին:
Նա նաև ասել է, որ Իրանը ևս, իր հերթին, առաջարկել է գործողությունների ծրագիր, սակայն հակառակ կողմը ժամանակ է խնդրել դրանք ուսումնասիրելու համար: Այս մասին հաղորդում է Ria Novosti-ն:
