Ամերիկացի Դալլաս Վինսը, ով դժբախտ պատահարից հետո առանց դեմքի էր մնացել, ամուսնացել է մի աղջկա հետ, ում հանդիպել է Փարքլենդի հիվանդանոցում, որտեղ նրանք երկուսն էլ բուժվում էին:
Հյուսիսային Տեխասի բնակիչ Դալլաս Վինսն ԱՄՆ-ում առաջին հիվանդն է, ում դեմքի փոխպատվաստում են արել: Վիրահատությունից երկու տարի անց նա ամուսնացել է 27-ամյա Ջեյմի Նեշի հետ, ում հետ ծանոթացել է հիվանդանոցում:
2008 թ. Վինսը եկեղեցու վերանորոգման աշխատանքների ժամանակ ծանրագույն այրվածքներ էր ստացել: Էլեկտրական հոսանքի հարվածից հետո ամերիկացու դեմքը փաստացի ոչնչացել էր:
Դալլասը երեք ամիս կոմայում էր անցկացրել: Բժիշկները նրա մոտ տեսողության կորուստ էին ախտորոշել: Նրա աչքերը, քիթը, շուրթերը և նույնիսկ որոշ դիմային ոսկորներ ամբողջությամբ այրվել էին:
Այս ամենի հետ մեկտեղ Դալլասը ցնցել էր բժիշկներին ապաքինվելու և հանուն դստեր ապրելու իր մեծ ցանկությամբ:
Դալլասը հիվանդանոցից դուրս էր գրվել 2009 թ., իսկ մեկ տարի անց կարողանում էր արդեն ինքնուրույն քայլել: 2011 թ. Բոստոնի հիվանդանոցում նրան դեմքի փոխպատվաստում էին արել:
Հենց նույն հիվանդանոցում բուժվում էր 29-ամյա Ջեյմին, ով ավտովթարի հետևանքով մարմնի 70 % այրվածքներ էր ստացել:
Երիտասարդները միանգամից դուր էին եկել մեկմեկու: Նրանց հարաբերությունները սկսվել էին 2011 թ. Սուրբ Ծննդյան տոներից, իսկ ահա 2012 թ. աշնանը նրանք ամուսնացան:
Ջեյմիի և Դալլասի հարսանիքին 200 մարդ էր հավաքվել: Նրանց թվում էին բուժող բժիշկները և բուժքույրերը, ովքեր ամենածանր պահին նրանց կողքին էին եղել:
Նրանք ամուսնացել են հենց այն եկեղեցում, որտեղ տեղի էր ունեցել դժբախտ պատահարը: Եկեղեցու քահանան ասել է. «Ես հավատում եմ, որ Աստված է ձեզ միացրել»:
