Քանյե Ուեսթի և Քիմ Քարդաշյանի դուստրը մեծացել է, և ծնողներն արդեն զգում են նրա ինքնուրույնությունը, հայտնում է spletnik.ru-ն: Հավանաբար աղջիկը շատ գնումներ է կատարել` խաղալով սմարթֆոնի հետ, ինչով էլ զայրացրել է հայրիկին: Նա անմիջապես իր Twitter-ում հաղորդագրություններ է գրել` դժգոհելով, որ մանկական խաղերում հնարավոր է ծախսել իրական փողեր:
«Գրողի ծոցը գնան երեխաների համար խաղեր գրող բոլոր ընկերությունները, որոնց խաղերում կարելի է գնումներ կատարել»,- գրել է նա:
Ուեսթի զայրույթը հասկանալի է շատ ծնողների, բայց ոչ Քիմին: Քիմն ինքն էլ է մտածել մի այդպիսի խաղ և այն անվանել Kim Kardashian: Hollywood և դրանով քիչ փող չի աշխատում, այդ թվում՝ գնումներից:
Մի տարի առաջ Քիմն էլ է նկատողություն ստացել իր խաղի համար: Գրող Այելեթ Վալդմանը, որի որդին այդ խաղում ծախսել է 120 դոլար, Քարդաշյանին մեղադրել է խաբեությամբ փող աշխատելու համար:
