Մեծ Բրիտանիայում 2 տարեկան տղան խեղդվել է՝ մինչ նրա մայրը Facebook-ն էր ստուգում: Կինը դատապարտվել է 5 տարվա ազատազրկման՝ երեխայի նկատմամբ դաժան վերաբերմունքի մեղադրանքով: Այս մասին հաղորդում է The Guardian-ը:
Տղան՝ Ջոշուա Բարնեթը, մահացել է անցյալ տարի՝ Մեծ Բրիտանիայի Բևերլի քաղաքում իր տան կողքի այգում խաղալիս լճակն ընկնելուց հետո: Դատարանը համարել է, որ նրա մայրը՝ Քլեր Բարնեթը, «վատ է կատարել իր ծնողական պարտականությունները»:
Երբ որդին ընկել է, նա զննել է իր հեռախոսը, հետո միայն փորձել փրկել երեխային: Նրա որդին այդ նույն օրը մահացել է հիվանդանոցում:
Հետաքննությունը պարզել է ևս մեկ դեպք. մայրը երեխային թույլ է տվել խաղալ ճանապարհի մոտ, և մեքենան քիչ է մնացել հարվածի երեխային:
Դատարանը հայտարարել է, որ եթե կինը ապագայում դարձյալ երեխա ունենա, ապա ամենայն հավանականությամբ նրան կվերցնեն կնոջ ձեռքից, քանի որ այդ կնոջ մոտ վտանգավոր է թողնել ցանկացած երեխայի:
