Սաուդյան Արաբիայում կնոջն ազատազրկմամբ են սպառնացել այն պատճառով, որ նա նկարահանել է ամուսնու դավաճանությունը տան աշխատողի հետ։ Այս մասին հայտնում է The Independent-ը։ Պարբերականի տեղեկություններով՝ նրան մեղադրում են արժանապատվության ոտնահարման մեջ։
Կինը բջջայինով նկարահանել է, թե ինչպես է ամուսինը սկզբում խոսում տան աշխատողի հետ, այնուհետև սկսում համբուրել նրան։ Ցանկանալով վրեժխնդիր լինել անհավատարիմ ամուսնուն՝ կինը տեսագրությունը տեղադրել է սոցցանցում՝ գրելով. «Նման ամուսնու համար նվազագույն պատիժը նրան խայտառակելն է»։
Հոլովակն արագորեն տարածվել է համացանցում։ Կնոջը սպառնում է մեկ տարվա ազատազրկում կամ հազար ռիալի տուգանք (87.6 հազար եվրո)։
Համաձայն Սաուդյան Արաբիայի օրենքների՝ պատժի է ենթարկվում ցանկացած մարդ, ով կիրառում է բջջային հեռախոսներն ու տեսախցիկները՝ վարկաբեկող լուսանկարներ կամ տեսագրություն անելու համար։
