Հնագույն ընձուղտների մնացորդների ուսումնասիրությունը հնէաբաններին օգնել է պարզել, որ այդ կաթնասունների պարանոցը սկզբում՝ մոտ 7 մլն տարի առաջ, սկսել է երկարել նրանց գլխի կողմից, և միայն հետո են դրա ողերը սկել աճել իրանի երկայնքով: Այս մասին ասվում է Royal Society Open Science ամսագրում հրապարակված հոդվածում:
«Բացի դրանից՝ մենք պարզեցինք, որ ամենապրիմիտիվ ընձուղտներն արդեն ունեցել են մի քիչ երկար պարանոց: Երևում է՝ նրանց պարանոցը սկսել է երկարել դեռևս ընձուղտների ընտանիքի առաջանալուց առաջ, ինչը տեղի է ունեցել մոտ 16 մլն տարի առաջ»,- նշում է Մելինդա Դանովիցը Նյու Յորքի Տեխնոլոգիական ինստիտուտից:
Գիտնականները պարզել են, որ ընձուղտների պարանոցի էվոլյուցիան տեղի է ունեցել 2 փուլով, որոնցից յուրաքանչյուրի ընթացքում երկարել են ողնաշարի տարբեր մասերը:
Ընձուղտները քիչ թե շատ ժամանակակից տեսք ստացել են միայն 1 մլն տարի առաջ:
