Սաուդյան Արաբիան մեծացրել է զեղչերը իր նավթի գնորդների համար՝ պայքարելով հումքի համաշխարհային շուկայում իր մասնաբաժնի համար։ Saudi Aramco պետական ընկերության գնացուցակում, որը կիրակի ուղարկվել է պետական ընկերություններին, Ասիա մատակարարումների գինը մեկ բարելի դիմաց նվազեցվել է 1.7 դոլարով։ Այս մասին հայտնում է The Wall Street Journal-ը։ Saudi Aramco-ն երկրից նավթի հիմնական մատակարարն է։
Այսպիսով՝ այժմ Սաուդյան Արաբիայից համաշխարհային շուկա մատակարարվող նավթը կլինի 1.6 դոլարով էժան, քան Դուբայի էմիրությունում արդյունահանվող «սև ոսկին»։ Ավելի վաղ սաուդական նավթը 10 ցենտով թանկ է եղել Դուբայի նավթից։ Saudi Aramco-ն նվազեցրել է ծանր նավթի գինը Հեռավոր Արևելքի համար։ Զեղչը կազմել է 2 դոլար։ ԱՄՆ-ի համար սաուդական նավթի գները նվազեցվել են 30 ցենտով։
Նավթի համաշխարհային գներն այսօր աճել են։ Առավոտյան Brent նավթի գինն աճել է 0.75 տոկոսով՝ հասնելով մեկ բարելի դիմաց 48.49 դոլարի, իսկ ամերիկյան նավթինը՝ 0.8 տոկոսով՝ հասնելով 45.89 դոլարի։
