ԵՄ դիվանագիտության ղեկավար Քեթրին Էշթոնը կարևորում է Իրանից պատասխան ստանալը «վեցյակի առաջարկի» կապակցությամբ՝ Ալմաթիում ապրիլի 5-ին և 6-ին կայանալիք բանակցությունների ժամանակ: Այս մասին հայտնում է Reuters գործակալությունը:
«Ես միշտ պահում եմ զգուշավոր լավատեսությունը: Սակայն ես նաև հստակ հայտարարում եմ, որ մեզ համար շատ կարևոր է Իրանից պատասխան ստանալը»,- Անկարայում լրագրողներին ասել է Էշթոնը:
Ավելի վաղ Իրանի ԱԳՆ ներկայացուցիչ Ռամին Մեհմանպարաստը հայտարարել էր, որ առաջիկա ընտրությունները, թվում է՝ կանցնեն ողջամիտ մթնոլորտում, որը կօգնի երկու կողմերին վերջնական լուծում գտնել: Նրա խոսքով՝ Իրանն ու «վեցյակը» կարող են փոխըմբռնման հասնել:
Փետրվարի վերջին Ալմաթիում կողմերի միջև կայացած բանակցությունների ժամանակ համաշխարհային տերությունների ներկայացուցիչները Թեհրանին արել էին նրա միջուկային ծրագրի շուրջ իրադրության կարգավորմանը նվիրված նոր առաջարկներ, իսկ Իսլամական Հանրապետությունը ներկայացրել է իր պատասխան առաջարկները:
