Չինաստանը, 2014 թ. առաջ անցնելով ԱՄՆ-ից, կարող է վերջնականապես ամրապնդվել նավթի խոշորագույն ներկրողի դիրքում։ Այս մասին ասվում է ՕՊԵԿ-ի զեկույցում:
Էներգետիկայի գլոբալ շուկայում տեղերի բաշխման այս փոփոխությունը հնարավոր է դարձել ԱՄՆ-ի թերթաքարի հանքերի շնորհիվ:
Կանխատեսումների համաձայն՝ այս տարի Չինաստան ներկրվող նավթի ծավալները կարող են գերազանցել 6 միլիոն բարելը, միևնույն ժամանակ կարելի է ասել, որ նույն ցուցանիշն ԱՄՆ-ի մոտ կարող է 6 միլիոն բարելից նվազել:
Հարկավոր է նշել, որ դեկտեմբերին Չինաստանին արդեն հաջողվել է առաջ անցնել ԱՄՆ-ից: Չինաստանի ցուցանիշն օրական 6,12 միլիոն բարել է, իսկ ԱՄՆ-ինը՝ 5,98 միլիոն բարել:
ԱՄՆ-ը 1970-ականներին աշխարհի ամենախոշոր նավթ ներմուծողն էր: Այժմ նավթի մատակարարման հուսալիությունը և Մերձավոր Արևելքում կայունությունը Չինաստանին էլ կհետաքրքրեն:
