Ի զարմանս գործընկերների՝ Ջորջ Քլունին իր ընտանեկան կյանքի առաջին տարեդարձին կնոջը ոչինչ չի նվիրել, հայտնում է 7days.ru-ն: Քլունին իր ամուսնության առաջին տարին համեստորեն է նշել: Հարյուրավոր հյուրերով աղմկոտ երեկույթի փոխարեն՝ նա կազմակերպել է խաղաղ ընթրիք Նյու Յորքի Sunset Tower հյուրանոցի ռեստորանում: «Այդ վայրը կինս է ընտրել, ես ընդհանրապես պատրաստվում էի գնալ իմ սիրելի սուշի-բար, որտեղ սովոր եմ ընթրել շաբաթական 4 օր: Բայց Ամալն ինձ ասաց. «Դե, ոչ, միայն ոչ այս անգամ»»,- խոստովանել է դերասանը:
Այդ երեկոն Ջորջի և Ամալի համար սկսվել է ընդունելությամբ, որը ոչ մի կապ չի ունեցել նրանց տարեդարձի հետ: Նրանք մասնակցել են Քլունիի մասնակցությամբ «Օ, որտե՞ղ ես, եղբա’յր» ֆիլմի հոբելյարի տոնին: Քլունին և Ամալն ընդունելությանը մնացել են որոշ ժամանակ, հետո աննկատ գնացել են Ամալի ընտրած վայրը: Այնտեղ նրանք երկուսով մի քանի ժամ են անցկացրել ռոմանտիկ ընթրիքի և շամպայնի ուղեկցությամբ:
«Մի՞թե այդպիսի առիթով առանձնահատուկ ոչինչ չեք մտածել»,- հետաքրքրվել է հայտնի պարբերականներից մեկի թղթակիցը, որը դերասանից հարցազրույց է վերցրել մի քաnի օր անց: «Իսկ դուք, ի՞նչ էիք սպասում, ճայթո՞ւկ»,- անկեղծորեն զարմացել է Քլունին: Եվ հավելել է. «Դա ընդամենը առաջին, «թղթային» հոբելյարն է: Բոլորովին պարտադիր չէ առաջին իսկ տարում բուռն խրախճանք կազմակերպել, չէ՞ որ մենք դեռ այնքան տարի ունենք առջևում»:
