Գերմանիայի արևմուտքում՝ Մայնի-Ֆրանկֆուրտից Քյոլն ուղևորվող գնացքում, տեղի է ունեցել արտակարգ պատահար: Տանիքի հոսանքալարերի մեջ թռչուն էր ընկել, ինչի պատճառով շուրջ 400 ուղևորներ ավելի քան 4 ժամ ստիպված էին սպասել՝ հայտնում է ITAR-TASS-ը:
Ինչպես հայտնել են գործակալությանը Deutsche Bahn երկաթուղային կոնցեռնից, արտակարգ պատահարի հետևանքով տեղի է ունեցել կարճ միացում:
Ճակատագրի հեգնանքով՝ գնացքը գտնվում էր 3 կիլոմետրանոց թունելի ճանապարհի կեսին, և մարդիկ ստիպված են եղել այդ ամբողջ ժամանակն անցկացնել չջեռուցվող վագոններում:
Միայն 4 ժամ անց պահուստային գնացքին հաջողվեց մոտենալ, և սառած ուղևորները կարողացան տեղափոխվել:
Դեպքը տեղի է ունեցել ապրիլի 1-ի գիշերը, սակայն այդ մասին հայտնի է դարձել միայն հիմա:
Այն փաստը, որ մի քանի հարյուր մարդ ստիպված է եղել այդքան ժամանակ նստել փակ տարածքում, քննադատություների է արժանացել Ուղևորների իրավունքների պաշտպանության միավորման կողմից: Ի պատասխան՝ կոնցեռնը հայտարարել է, որ իրավիճակը եղել է ֆորս-մաժորային, ու դրա համար Deutsche Bahn-ը պատասխանատվություն չի կրում: