Թուրքական Hürriyet թերթի փոխանցմամբ, այսօր Թուրքիայում պայթել է Անթալիայի շրջանով անցնող, ՆԱՏՕ-ին պատկանող նավթամուղը: Նշվում է, որ կրակի բոցի բարձրությունը հասել է 20-25 մետրի:
Անթալիայի փոխնահանգապետ Թուրան Էրենի խոսքերով, իրենք ստիպված են եղել 22 հրշեջ մեքենա հատկացնել հրդեհը հանգցնելու համար:
Դեռևս անհայտ են մնում պայթյունի պատճառները:
Հիշեցնենք, որ երբ նախորդ տարի քուրդ զինյալները պայթեցրին «Թավրիզ-Էրզրում» (Անկարա) գազատարն ու Քիրքուք-Յումուրթալըք» (Ջեյհան) նավթամուղը, Թուրքիայում վճռվեց այսուհետ խողովակաշարերի պաշտպանությունը դնել իսրայելական արտադրության Heron հետախուզական ինքնաթիռների վրա: