Գիտնականները քարտեզի վրա նշել են 657 նոր պատնեշային կղզիներ, որոնց տեղակայման հստակ վայրը դեռևս որոշված չէ: Նոր տվյալները ներկայացված են Journal of Coastal Research ամսագրում տպագրված մի խումբ գիտնականների հոդվածում, իսկ աշխատանքի մասին հակիրճ ներկայացրել է Discovery News-ը:
Հեղինակները վերլուծության են ենթարկել արբանյակից ստացված վերջին տվյալները, ինչպես նաև տեղագրական քարտեզները: Նրանք հայտնաբերել են ավելի քան վեց հարյուր կղզիներ, որոնք «անտեսանելի» էին նախկինում: Ընդհանուր առմամբ հիմա մասնագետներին հայտնի է 2149 պատնեշային կղզիների մասին, իսկ նրանց ընդհանուր գումարային երկարությունը կազմում է մոտավորապես 21 հազար կիլոմետր:
Նրանցից շատերը ալիքների և վատ եղանակի հետևանքով փոփոխվում են: Այսպիսի կղզիները սովորաբար երկար են, նեղ և կազմավորվում են ավազի ու նստվածքային քարերի ցածր նստվածքաշերտերով: Հաճախ հանդիպում են շարաններով: Նմանատիպ կղզիներ հանդիպում են բոլոր մայրցամաքների երկայնքով, բացի Անտարկտիդայից: Այսպիսի կղզիների երկու երրորդը գտնվում է հյուսիսային կիսագնդում: Պատնեշային կղզիները պաշտպանիչ դեր են կատարում մայրցամաքային ափամերձ շրջանների համար:
Գիտնականները հույս ունեն, որ հետագայում ևս կհայտնաբերեն այդպիսի կղզիներ, քանի որ ժամանակակից քարտեզներում տեղեկություններ չկան այն օբյեկտների մասին, որոնք գտնվում են Ռուսաստանի ափամերձ շրջաններում:
