RIA Novosti-ի տեղեկացմամբ՝ շաբաթ օրը Մեխիկոյում Իգուալա քաղաքում 43 ուսանողների անհետացման միամյակին նվիրված խաղաղ երթն ընդհատվել է անհայտ անձանց կողմից հրահրված անկարգություններով:
Մի խումբ մարդիկ ներխուժել են ցուցարարների շարքերը, հարձակվել մի շարք պետական և մասնավոր հիմնարկների վրա, քարեր և շշեր են նետել Սենատի շենքի ուղղությամբ: Չնայած բազմաթիվ սադրանքներին՝ ոստիկանությունը չի միջամտել:
Հիշեցնենք, որ ուսանողներն անհետացել էին Իգուանա քաղաքում 2014 թ. սեպտեմբերի 26-ի գիշերը: Հետագայում հայտնի դարձավ, որ ոստիկանները նրանց բռնել և հանձնել են հանցագործներին, ուսանողները սպանվել են, իսկ նրանց դիերը ենթադրաբար այրվել են:
