Ողբերգությունը Սաուդյան Արաբիայի Մեքքա քաղաքում, որտեղ հրմշտոցի արդյունքում ավելի քան 700 մարդ է զոհվել, ինչպես նաև այս տարի հաջի ժամանակ տեղի ունեցած մյուս միջադեպերը պետք է հետաքննվեն: Այս մասին ՄԱԿ-ի կայուն զարգացման հարցերով գագաթնաժողովում իր ելույթի ժամանակ ասել է Իրանի նախագահ Հասան Ռուհանին՝ գրում է TASS-ը:
«Ես պետք է խորը ցավակցություն հայտնեմ հոգեցունց միջադեպի կապակցությամբ, որը չորեքշբաթի օրը տեղի ունեցավ Մեքքայում հազարավոր մուսուլմանների հետ, այդ թվում՝ իրանցիների: Ես խորը ցավակցություն եմ հայտնում ընտանիքներին, ովքեր ողբում են այդ ողբերգության ժամանակ սիրելիների մահը»,- ասել է նա՝ կոչ անելով պատշաճ ուշադրություն դարձնել տուժածների կարիքներին և ընդգծելով «այս և այս տարի տեղի ունեցած նմանատիպ մյուս միջադեպերի պատճառների հետաքննության կարևորությունը:»
