Գերմանիա ժամանող փախստականների հոսքը ցրտերի հետ կնվազի: Այդ մասին հայտարարել է Deutsche Bahn երկաթուղային կոնցեռնի խորհրդի անդամ Ռոնալդ Պոֆալան Rheinisch post թերթին տված հարցազրույցի ժամանակ, հայտնում է TASS-ը:
«Մեր փորձագետները համարում են, որ մինչև նոյեմբեր փախստականների թիվը կկրճատվի` եղանակային պայմանների հետ կապված»,- նշել է նա: Նրա խոսքով` սահմանների բացումից հետո երեք շաբաթվա ընթացքում Deutsche Bahn-ը տեղափոխել է մոտ 130 հազար փախստականների: Այժմ նա կառավարությունից ակնկալում է մեկ միլիոն եվրոյի փոխհատուցում ստանալ:
Սակայն օտարերկրացիները շարունակում են Գերմանիա գալ հազարներով: Այս շաբաթվա որոշ օրերում նրանց թիվը կազմել է 3,5 հազար: Վերահսկիչ կետերը այժմ գտնվում են Գերմանիայի տարածքում: Դա նշանակում է, որ օտարերկրացիները, ովքեր գտնվում են գերմանական հողում, ըստ տեղի օրենքների կարող են դիմել փախստականի կարգավիճակ ստանալու համար:
