Կալիֆոռնիա նահանգի իշխանությունները տուգանում են գերմանական Volkswagen ավտոկոնցեռնին, որը մեղադրվում է ծրագրային ապահովման կիրառման մեջ, որը թույլ է տալիս շրջանցել ամերիկյան բնապահպանական խիստ նորմերը, և պահանջում են նրանից դրամական փոխհատուցում, որի չափը դեռ պետք է սահմանել։ Այս մասին հայտնել է նահանգի բնական ռեսուրսների հարցերով վարչությունը՝ փոխանցում է TASS գործակալությունը։
«Մեր գլխավոր առաջնահերթությունն է համոզվել, որ այդ ապրանքանիշի մեքենաները համապատասխանում են գործող նորմերին ու օրենքներին։ Ինչ-որ փուլում կհաջորդի հետկանչը։ Սակայն մինչ այս Volkswagen-ը պարտավորվել է բացահայտել, թե ինչ է պատրաստվում անել, և թե որքան արդյունավետ կլինեն ընդունվող միջոցառումները»,- հայտարարել է վարչության պաշտոնական ներկայացուցիչ Սթենլի Յանգը։
Ավտոհսկայի դեմ հետաքննություններ են սկսվել Եվրոպայում, ԱՄՆ-ում և Ասիայում։
