![](https://www.1in.am/assets/uploads/2015/09/nigeria-ncrs-first-aid-343-2.jpg)
Կարմիր խաչը հաշվարկել է 2014 թվականին տարերային ու տեխնածին աղետների հետևանքով մահացածների թիվը՝ 8186 մարդ։ Այս մասին հայտնում է TASS գործակալությունը։
«Աղետները 2014 թվականին անդրադարձել են մոտ 107 մլն մարդու վրա, այդ թիվն ավելի է, քան մեկ տարի առաջ»,- ասվում է հետազոտությունում։
Անցած տարին զոհերի թվով եղել է որոշ չափով թեթև՝ վերջին 30 տարվա մեջ։ Մահացությունն աղետներից 2014-ին եղել է մոտ 90 տոկոսով քիչ, քան միջինը վերջին տասնամյակում։
Կարմիր խաչը դեպքերի թվի մեծացումը կապում է կլիմայի փոփոխությունների հետ։ Դրա հետ է կապվում անցած տարի արտակարգ իրավիճակների 87 տոկոսը։ Տարերային աղետների կեսը՝ 49 տոկոսը, ջրհեղեղներն ու սողանքներն են։
Աղետների մոտ կեսը՝ 49 տոկոսը, տեղի է ունեցել Ասիայում։ Դրանք խլել են զոհերի 2/3-ի կյանքը (63 տոկոս)։
Անցած տարի աղետները հասցրել են 99.2 մլրդ դոլարի վնաս։ Այդ վնասը էականորեն ցածր է, քան միջինը վերջին 10 տարում՝ տարեկան 147 մլրդ դոլար։