Մայր աթոռ Սուրբ Էջմիածնում Սուրբ հարության պատարագի ընթացքում արդեն հաղորդության ժամանակ, երբ հոգևորականը նշխարքը մոտեցրեց առաջին շարքերում կանգնած ՀՀ բարձրաստիճան պաշտոնյաներին, Ազգային ժողովի նախագահ Հովիկ Աբրահամյանը ոչ համարժեք կեցվածք դրսևորեց: Նշխարքի մոտեցման ժամանակ նա սկսեց ժպտալ, ծիծաղել և նախագահ Սերժ Սարգսյանին հայացքով ցույց տալ դրա կողմը: Հավանաբար նա ցանկանում էր նախագահին նշխարք հյուրասիրել:
Երևի Հ. Աբրահամյանը ծոմ էր պահել, չէ՞ որ հաղորդությունը ստանում են միայն ծոմ պահած հավատացյալները:
Հ. Աբրահամյանի և Ս. Սարգսյանի մեջտեղում կանգնած էր առաջին տիկին Ռիտա Սարգսյանը: Թե՛ Ս. Սարգսյանը, թե՛ Ռ. Սարգսյանը, սակայն, Հ. Աբրահամյանի այդ լայնաժպիտ հրավերին չպատասխանեցին: Նրանք Հ. Աբրահամյանի ժեստերին ու ժպիտին որևէ միմիկայով չարձագանքեցին: Իսկ ԱԺ նախագահն այդ պահին հավանաբար հիշել էր «Ճոխ զավտրիկը»։
Ամեն դեպքում |Հ. Աբրահամյանի այդ պահվածքը համարժեք չէր պատարագի խորհրդին: