Կուբայի Օլգին քաղաքի կենտրոնական հրապարակում հավաքվել են ավելի քան 150 հազար մարդ Հռոմի պապի մատուցած ծառայությանը ներկա լինելու համար, հայտնել է Վատիկանը: Այդ մասին հայտնել է RIA Novosti-ն:
«Դա հոյակապ ծառայություն էր՝ լի աղոթքով և տոնախմբությամբ»,- ասել է Սուրբ աթոռի ներկայացուցիչ Ֆեդերիկո Լոմբարդին:
Ծառայության ժամանակ, որին ներկա է գտնվել Կուբայի ղեկավար Ռաուլ Կաստրոն, Հռոմի պապը հատուկ ուշադրության է արժանացրել կուբայական կաթոլիկ եկեղեցու աշխատանքը հեռավոր շրջաններում: Նրա խոսքով` հատուկ ուշադրության են արժանի այսպես կոչված միսիոներների տները, որոնք տաճարների և եկեղեցականների պակասի պայմաններում հնարավորություններ են ստեղծում աղոթքների և կրոնական կյանքի համար:
Ծառայությունից հետո Հռոմի պապն աղոթքի համար ուղևորվել է դեպի «Խաչի բլուրը», ինչը հանդիսանում է քաղաքի խորհրդանիշ և կրոնական ուխտագնացության վայր: Այնտեղ տեղադրված է 5 մետրանոց խաչ, դեռևս 1790 թվականից:
