Անգլերեն լեզվի՝ աշխարհին հայտնի Օքսֆորդի բառարանը համալրվել է նոր բառերով, որոնք լայն տարածում են գտել: Այս մասին հայտնում է The Drinks Business-ը:
Եռամսյակային թարմացման շրջանակներում Օքսֆորդի բառարանի OxfordDictionaries.com առցանց տարբերակը համալրվել է 1000 նոր բառերով: Նոր արտահայտությունների շարքում են՝ «գարեջրի ժամանակ» և «գինու ժամանակ» (beer o’clock, wine o’clock), որոնք նշանակում են օրվա ժամերը՝ հարմար նշված խմիչքի օգտագործման համար յուրաքանչյուր կոնկրետ իրավիճակում:
Ինչպեսև բոլոր բառարաններում՝ նոր տերմիններն օգտագործված են արտահայտություններում դրանք ավելի լավ հասկանալու և ճիշտ օգտագործելու համար:
Խոսակցական անգլերենում լայն գործածություն ստացած այլ նոր բառերի թվում են hangry-ն՝ անգլերեն hungry (քաղցած) և angry (զայրացած) բառերի համադրությունը: Բառի նշանակությունը ևս համատեղ է՝ «քաղցից զայրացած»:
Բառարանում ներառվել է նաև տերմին, որով նկատի է առնվում Եվրոպայում տարածված երևույթ՝ կատուներով սրճարան՝ cat cafe:
