Պաշտոնական տվյալներով ընթացիկ տարվա երկրորդ եռամսյակում Թուրքիայի տնտեսական աճը գերազանցել է բոլոր սպասելիքները` տարեկան հաշվարկով կազմելով 3․8%:
Արժե նշել, որ դա կառավարության համար, որը ջանում է հաղթահարել աճի դանդաղ տեմպերը, եղել է հաճելի անակնկալ, հայտնում է blackseanews.net-ը:
Ֆինանսների նախարար Մեհմեթ Շիմշեկը հայտարարել է, որ տնտեսության համար ամենամեծ ռիսկը հանդիսանում է քաղաքական անկայունությունը` հիմնվելով պետական ֆինանսների վատնման, բյուջեի և ընթացիկ հաշվի պակասորդների պոտենցիալ վտանգի վրա:
Սակայն Թուրքական վիճակագրական ինստիտուտի (TurkStat) տվյալներով՝ երկրորդ եռամսյակում, անցյալ տարվա հետ համեմատած 1․3 տոկոսով աճել է արտադրության ծավալը: Առաջին եռամսյակում 2․5%-ով ավելացել է ՀՆԱ-ն, չնայած՝ ավելի վաղ հայտնում էին 2․3% աճի մասին:
Ինչ վերաբերվում է ընթացիկ գործողությունների հաշվին, այստեղ ևս իրադրությունը գերազանցում է սպասելիքները, քանի որ տվյալ հատվածում հուլիսին պակասորդը կազմել է 3․15 միլիարդ դոլար, չնայած՝ փորձագետների կանխագուշակումներով այդ գումաը պետք է կազմեր 3․5 միլիարդ դոլարից ոչ պակաս:
